தளபதி 65 டைட்டிலே மாஸா இருக்கு... அப்போ படம்..?

தளபதி விஜய் நடிப்பில் பொங்கல் விருந்தாக வெளியான மாஸ்டர்  ரசிகர்கள் மத்தியில் செம வரவேற்பை பெற்று வருகிறது. 

இதனை தொடர்ந்து விஜய் கோலமாவு கோகிலா, டாக்டர் உள்ளிட்ட படங்களை இயக்கிய நெல்சன் திலீப்குமார் இயக்கத்தில் உருவாகும் தனது 65-வது படத்தினை நடிக்கவுள்ளார்.

சன் பிக்சர்ஸ் நிறுவனம் தயாரிக்கும் இந்தப் படத்திற்கு அனிருத்  இசையமைக்கவுள்ளார் . மேலும் நடன இயக்குனராக ஜானி மாஸ்டர் பணியாற்ற உள்ளார் .

இந்த படத்தில் தளபதி விஜய்க்கு ஜோடியாக பல ஹீரோயின்களின் பெயர்கள் அடிப்பட்டது.அதிலும் ரஷ்மிகா மந்தானா,பூஜா ஹெக்டே ஆகியோர் நடிக்கவுள்ளதாக கூறப்பட்டது.

ஆனால் அதிகாரப்பூர்வ அறிவிப்பு இதுவரை வெளியாகவில்லை என்பது குறிப்பிடத்தக்கது.மேலும் இந்த படத்தில் வில்லனாக  விஜய் சேதுபதி மற்றும் அருண் விஜய் ஆகியோரின் பெயர்கள் அடிப்பட்டது. ஆனால் அருண் விஜய் அது வதந்தி என்று கூறி முற்றுப் புள்ளி வைத்தார்.

இந்த நிலையில் தற்போது தளபதி-65 படத்தின் படப்பிடிப்பு குறித்த தகவல்கள் வெளியாகியுள்ளன.அதாவது தளபதி அடுத்ததாக நடிக்கவிருக்கும் தளபதி-65 படத்தின் பூஜையை பிப்ரவரி முதல் வாரத்தில் நடத்த படக்குழுவினர் திட்டமிட்டுள்ளதாகவும், பிப்ரவரி 8-ம் தேதி முதல் படப்பிடிப்பை தொடங்கவுள்ளதாகவும் தகவல்கள் வெளியாகியுள்ளன. 

அதைபோல் தற்போது இந்த திரைப்படத்திற்கு "டார்கெட் ராஜா" என டைட்டில் வைக்கப்பட்டுள்ளதாக தகவல்கள் வெளியாகியுள்ளது.