தளபதியுடன் மீண்டும் இணையும் லோகேஷ்... ஆனா தளபதி 66 இல்லயாம்..?

தளபதி விஜய் நடிப்பில் பொங்கல் விருந்தாக  மாஸ்டர் வெளியானது. தொடர்ந்து விஜய் நெல்சன் திலீப்குமார் இயக்கத்தில் உருவாகும் தனது 65-வது படத்தினை நடிக்கவுள்ளார்.

சன் பிக்சர்ஸ் நிறுவனம் தயாரிக்கும் இந்தப் படத்திற்கு அனிருத் இசையமைக்கவுள்ளார் . படப்பிடிப்பு பூஜையுடன் பிப்ரவரி முதல் வாரத்தில் நடத்த படக்குழுவினர் திட்டமிட்டுள்ளனர்.

பிப்ரவரி 8-ம் தேதி முதல் படப்பிடிப்பை தொடங்கவுள்ளதாகவும் தகவல் வெளியாகியுள்ளது.

இந்த திரைப்படத்தை தொடர்ந்து நடிகர் விஜயின் 66 வது திரைப்படத்தை இயக்கும் இயக்குனர்கள் குறித்த தகவல் சமூக வலைத்தளத்தில் வெளியாகி வருகின்றது.

தற்போது இயக்குனர் லோகேஷ் கனகராஜ் மாஸ்டர் படத்தை தொடர்ந்து விஜய் படத்தை இயக்கவுள்ளதாக தகவல்கள் வெளியாகியுள்ளது. 

ஆனால் லோகேஷ் கனகராஜ் கமலை வைத்து விக்ரம் திரைப்படத்தை இயக்கிவருவதால் விஜயின் 66 வது படத்தை இயக்கவாய்ப்பில்ல ஆனால் கண்டிப்பாக தளபதி 67 படத்தை லோகேஷ் இயக்குவார் என்று எதிர்பார்க்கப்படுகிறது.