பூவே உனக்காக சீரியலில் மலையாள பிக்பாஸ் பிரபலம்!

சன் டிவியில் ஒளிபரப்பாகும் பூவே உனக்காக சீரியல் பல்வேறு திருப்பங்களுடன் நகர்ந்து கொண்டிருக்கிறது. இந்த சீரியலில் லீட் ரோலில் நடித்து வந்த அருண் அண்மையில் விலகிவிட்டார். 

அவருக்கு பதிலாக அஸீம் இணைந்த நிலையில், மற்றொரு பிரபலமும் இணைந்துள்ளார். அவர் வேறு யாருமில்லை. மலையாள பிக்பாஸ் ஷோவில் கலந்து கொண்டு பரவலான வரவேற்பை பெற்ற ஸ்ரீனிஷ் அரவிந்த் தான். 

இவர் ஏற்கனவே வம்சம் சீரியிலில் நடித்து இருந்தாலும் அதன்பின் மலையாளம் மற்றும் தெலுங்கு ஷோக்களில் கவனம் செலுத்தி வந்தார்.

புதிய திரைப்படங்களிலும் நடிப்பதற்கு அவருக்கு வாய்ப்பு கிடைத்துள்ளது. இந்நிலையில், தமிழ் சின்னத்திரைக்கு ரீ என்ட்ரி கொடுத்துள்ள ஸ்ரீனிஷ் அரவிந்த், பூவே உனக்காக சீரியலில் அரவிந்த் கதாப்பாத்திரத்தில் நடிக்க ஒப்பந்தமாகியுள்ளார். 

தன்னுடைய வருகை குறித்து சமூக வலைதளங்களில் பதிவிட்ட பிறகு தொலைபேசி அழைப்புகளும், சமூகவலைதளங்களிலும் வாழ்த்துகள் ஏராளமாக வந்ததாக கூறியுள்ள ஸ்ரீனிஷ், இவ்வளவு அன்பும், வாழ்த்துகளும் கிடைக்கும் என எண்ணவில்லை எனக் கூறியுள்ளார். 

என் மீது நம்பிக்கை வைத்து வாழ்த்துகளை தெரிவித்த அனைத்து ரசிகர்களுக்கும், நண்பர்களுக்கும் நன்றி எனக் கூறியுள்ள ஸ்ரீனிஷ், உங்கள் அனைவரின் எதிர்பார்ப்பை பூர்த்தி செய்வதற்காக தன்னுடைய முழு உழைப்பையும் கொடுப்பேன் எனக் கூறியுள்ளார்.