மீண்டும் இணையும் மெர்சலான மெர்சல் கூட்டணி...

தளபதி விஜய் நடிப்பில் பொங்கல் விருந்தாக வெளியான மாஸ்டர் ரசிகர்கள் மத்தியில் செம வரவேற்பை பெற்று வருகிறது. 

இதனை தொடர்ந்து விஜய் கோலமாவு கோகிலா, டாக்டர் உள்ளிட்ட படங்களை இயக்கிய நெல்சன் திலீப்குமார் இயக்கத்தில் உருவாகும் தனது 65வது படத்தினை நடிக்கவுள்ளார்.

சன் பிக்சர்ஸ் நிறுவனம் தயாரிக்கும் இந்தப் படத்திற்கு அனிருத் இசையமைக்கவுள்ளார். தளபதி-65 படத்தின் படப்பிடிப்பு பூஜையுடன் பிப்ரவரி முதல் வாரத்தில் நடத்த படக்குழுவினர் திட்டமிட்டுள்ளதாகவும், பிப்ரவரி 8-ம் திகதி முதல் படப்பிடிப்பை தொடங்கவுள்ளதாகவும் தகவல்கள் வெளியாகியுள்ளன.

இந்த திரைப்படத்தை தொடர்ந்து நடிகர் விஜயின் 66 வது திரைப்படத்தை இயக்கும் இயக்குனர்கள் குறித்த தகவல் சமூக வலைத்தளத்தில் வெளியாகி வருகின்றன.

சிறுத்தை சிவா விஜயின் 66 வது திரைப்படத்தை இயக்குவார் என்றும் எச்.வினோத் இயக்குவார் என்று தகவல்கள் பரவி வருகின்றன.

தற்போது இயக்குனர் தெறி, பிகில், மெர்சல் போன்ற திரைப்படங்களை இயக்கிய அட்லீ இயக்குவதாக தகவல்கள் வெளியாகியுள்ளது.மேலும் நடிகை சமந்தா ஜோடியாக நடிப்பதாகவும் தகவல் வெளியாகியுள்ளது.