சிவகார்த்திகேயனின் ‘டான்’ படத்தில் மெர்சல் நடிகர்?

தமிழ் திரையுலகில் முன்னணி நடிகராக வலம்வரும் சிவகார்த்திகேயன், அடுத்ததாக நடிக்கும் படம் ‘டான்’. அறிமுக இயக்குனர் சிபி சக்ரவர்த்தி இப்படத்தை இயக்க உள்ளார். இவர் இயக்குனர் அட்லீயிடம் உதவி இயக்குனராக பணியாற்றியவர்.

டான் படத்தை லைகா நிறுவனமும், சிவகார்த்திகேயனின் எஸ்.கே.புரொடக்‌ஷன்ஸ் நிறுவனமும் இணைந்து தயாரிக்கிறது. அனிருத் இப்படத்திற்கு இசையமைக்க உள்ளார்.

இந்நிலையில், பிரபல இயக்குனரும், நடிகருமான எஸ்.ஜே.சூர்யா, இப்படத்தில் முக்கிய கதாபாத்திரத்தில் நடிக்க உள்ளதாக கூறப்படுகிறது. 

முன்னதாக விஜய்யின் மெர்சல் படத்தில் வில்லனாக மிரட்டிய எஸ்.ஜே.சூர்யா, இப்படத்தில் வில்லனாக நடிக்கிறாரா அல்லது குணசித்திர வேடத்தில் நடிக்கிறாரா என்பது குறித்து விரைவில் அறிவிப்பு வெளியாகும் என எதிர்பார்க்கப்படுகிறது.